प्रादेशिक अस्पताल मलंगवाका चिकित्सकमाथि कुटपिट, दोषीमाथि कारबाही माग

वीरगंज । प्रादेशिक अस्पताल मलंगवामा कार्यरत चिकित्सकमाथि कुटपिटको घटनाप्रति अस्पताल प्रशासनको गम्भीर आपत्ती जनाएको छ । मधेश प्रदेश सरकारअन्तर्गत स्वास्थ्य निर्देशनालयको मातहतमा रहेको यस अस्पतालमा कार्यरत एमडिजिपी डा. रोशन कुमार साहमाथि ड्युटीमा जाने क्रममा दुर्व्यवहार भएको थियो । मलंगवा-जनकपुर हुलाकी राजमार्ग अन्तर्गत भेल्ही चौकमा डा. साहमाथि गाडीमा गएका केहि अज्ञात व्यक्तिहरुले दुर्व्यवहार गर्दै हातपात गरेका अस्पताल प्रशासनले जनाएको छ । घटनापछि प्रादेशिक अस्पताल मलंगवाले सम्बन्धित निकायको ध्यानाकर्षण गराउँदै दोषीमाथि तत्काल छानबिन गरी कानुनी कारबाही गर्न माग गरेको छ।